ने.सं. ११३७ गुंलाथ्व गुंपुन्हि कुन्हु नेपाल साहित्य मन्दिरपाखें पिथंगु झीगु भाय् व वया ऋद्धिसिद्धि सफूया च्वमि भाषा शिरोमणि रमापतिराज शर्मा खः । झिपु च्वसुया थ्व संग्रहयात खसनेपाली भाषां भाय्हि लाः नं पिकाःगु दु । थथे भाय्हिलाः पिकाःम्ह भाजु हरिशरण राजोपाध्याय शर्मा खः । थ्व सफुलिइ नेवाःतय्सं हना वयाच्वनागु थीथी नखःचखः, रितिथिति, पुजा याना वयाच्वनापिं द्यःपिं, छ्यलाबुलाय् हयाच्वनागु वस्तु आदिया बारे दुग्यंक दुवालाः च्वयातःगु झिपु च्वसु दुथ्याकातःगु जुल ।
