कवि माधव मूलया च्वसां पिज्वःगु जि दुने मदुम्ह जि चिनाखँ मुना ने.सं. ११३८ सिल्लागा तृतीया शनिवाः नेपालभाषा सफू बहुउद्देश्यीय सहकारी संस्थापाखें पिदंगु खः । थुकी थीथी विषयया ७२ पु चिनाखँ दुथ्यानाच्वंगु दु । चिनाखँ दुने थः म्वानाच्वनागु युगय् ब्वलना वयाच्वंगु संशय समाजय् विद्यमान जुयाच्वंगु मोह, ग्लानी, थौं खनेदयाच्वंगु अभाव व कुण्ठायात व थौंया वातावरणयात तत्वदर्शी मिखां स्वयाः उकीयात अभिव्यञ्जना यानातःगु खनेदु । चिनाखँ दुने देय्या मतिनाया अस्तित्वया सः थ्वयाच्वंगु दु ।
