जिगु दायरी छपु पौ नांगु निबन्ध पुचः मंगलप्रसाद स्यस्यःनं च्वायादीगु खः । ने.सं. १०९० य् प्रसाद प्रकाशनपाखें पिथंगु थ्व सफुलिइ प्रेमबहादुर कंसाकार व माणिकलाल श्रेष्ठं नं भूमिका च्वयादीगु दु । थुकी न्हापा हे च्वमिया थीथी पत्रपत्रिकाय् पिदने धुंकूगु च्वसुत नं दु । थ्व निबन्धमार्फत् स्यस्यः नं थःत संक्रमणकाल “Transition Period” या लेखक अर्थात वस्तुगत व आत्मपरक नितांया प्रभाव दुम्ह निबन्धकार कथं प्रस्तुत याःगु दु ।
