जिं नं बाखं च्वया बाखं सफूया बाखंमि खः नर्मदेश्वर प्रधान । ने.सं. ११३९ य् नागार्जुन पब्लिकेशन प्रा.लि.या लुखां थ्व सफू प्रकाशित जूगु खः । भाजु नर्मदेश्वर प्रधान नांजाःम्ह कवि व समालोचक खः । वय्क:या थ्व सफुलिइ स्वीनिपु बाखं दुथ्यानाच्वंगु दु । ने.सं.१०९८ य् च्वयादीगु बाखं निसें ने.सं. ११३७ य् प्रकाशित जूगु बाखंतक थुकी दुथ्यानाच्वंगु दु । थ्व बाखं सफुलिइ च्वंगु बाखं न्हूबाखं निसें उत्तरआधुनिक बाखं तक दुथ्यानाच्वंगु दु । थ्व छगू दुग्यंगु नेपालभाषाया बाखं सफू खः ।
