रासाया च्वसां पिज्वःगु जीवन–अगिंमथः चिनाखँ सफू ने.सं ११२६ य् साय्मि प्रकाशनपाखे पिदंगु खः ।थ्व सफुलिइ थीथी पत्रपत्रिकाय् पिदनेधुंकूगु विविध विषयया स्वीच्यापु चिनाखं दुथ्यानाच्वंगु दु । धर्तिइ मनूत मामां बन्दुक ज्वनाः गिद्ध वयाच्वंगु दु, मनूत त्रसित गिद्ध खनाः, आः थ्व गिद्धयात पंजलय् सुनां कुनी धकाः च्वमिं थःगु च्यूताः प्वंकाच्वंगु दु । नापं कवि रासां ध्वंस–विध्वंसया प्रवृतिया दुने स्वस्थ्य मनू ब्वलंकेगु व खिउँया विरुद्धय् जःया पक्षय् सः थ्वयेकेगु कुतः यानादीगु दु ।
