रेणु श्रेष्ठया च्वसां पिज्वःगु थ्व जीवन घःमाः हाइकु सफू ने.सं. ११३६ बछलागा सप्तमिकुन्हु न्हू हिसु पुचः पाखें पिदंगु खः । थुकी १०४ पु हाइकु दुथ्याकातःगु दु । थुकी प्रत्येक हाइकुनाप ज्वःलाःगु किपा नं बियातःगु दु । सफू दुने दुःख, वेदना कयेच्यानाच्वंगु, स्वतन्त्र रूपय् सर्गतय् ब्वयेगु मृगतृष्णा जक जुयाच्वंगुया पीडा, भूतुलिइ मि मच्याःगु पीडाया बाखं लिसें झीगु न्ह्यःने खने दयाच्वंगु विकृति विसंगतिया चित्रण यानातःगु दु ।
