खँग्व : सीमाहीन, सीमाहीन जि नांगु सफू नेपालभाषाया नांजाःम्ह आधुनिक कवि डा. आनन्द जोशीं च्वयादीगु सछि व छपु हाइकुया संग्रह खः । ने.सं ११३० य् रुवरिक पाखें पिदंगु थ्व सफुलिइ प्रत्येक छपाः छपाः किपाया छपु छपु हाइकु च्वयातःगु दु । प्रकृति, जीवन, विकास व मानवीय अन्तर सम्बन्ध बारे न्हूगु आयाम बीगु कुतः थौंया कविताया लक्ष जुइमाः धैगु कवि आनन्द जोशीया गुगु धारणा खः थ्व हे सिद्धान्तप्रति प्रतिवद्ध जुयाः न्ह्याःवनेगु चेष्ठा थ्व संग्रहय् जूगु दु ।
