स्वनिगः पिनें पिदंपिं नेपालभाषाया भाषिक अभियन्तापिं मध्ये भाजु लोकेन्द्रकुमार मल्ल नं छम्ह खः । वय्कःया जन्म वि.सं.१९९७ सालय् धनकुटाय् जूगु खः । लिपा वय्कः बिराटनगरय् च्वं झाल । वय्कःया मांया नां पवित्र कुमारी व बाःया नां गजेन्द्रवहादुर प्रधानांग खः । वय्कः आवद्ध संघ संस्था थुकथं जुल— झी पुचः विराटनगर (न्हापायाम्ह नायः) नेपाल उद्योग वाणिज्य संघ (पूर्र्व केन्द्रिय सदस्य) लिसें मेमेगु संघसंस्था । वय्कःया पिदंगु कृति : मत्स्यदेशको राजा विराट र राजवंशी अले मेमेगु थीथी विषयया च्वसू ।
