मलंगवा, सर्लाहीया भाजु होमबहादुरया काय्मचा नविनमान सन् १९३७ स बूम्ह खः । भारतं विज्ञान बिषयस स्नातकोत्तर यानावःम्ह थुम्ह भाजुं वेलायतया शेफिल्ड विश्वविद्यालयस खनिज विज्ञानया ख्यलय् उच्चशिक्षा क्वचायेका दिल । नेपाल सरकारया सेवाय् तःदँतक ज्या यानादीम्ह थ्वय्कलं सन् १९७० स वेलायतया इम्पेरियल कलेजं विद्यावारिधि यानादिल । खानी उत्खनन व अनुसन्धानया ख्यलय् थ्यय्कः नेपाःया छम्ह न्ह्यलुवाः खः ।
