भाजु मल्ल के. सुन्दरया न्हापांगु उपन्यास खः थ्व नसना । पासा मुनाया लुखां ने.सं. ११०३ य् थ्व उपन्यास पिदंगु खः । थ्व उपन्यासय् उपन्यासकारं देशया तमाम जनता अझ खास यानाः चीमिपिं ज्यामि ज्यापुतय्त थौंया समस्या प्रति कर्तब्यबोध याकाच्वंगु दु । छपुचः भ्रष्ट राजनीतिज्ञतय्सं देशयात आर्थिक रुपं, राजनीतिक रुपं, सांस्कृतिक रुपं गुकथं कंगाल यानाच्वन धयागु खँ थ्व उपन्यासय् ब्वयातःगु दु ।
