ताय्मरु बाखं सफूया च्वमि भाजु मोहनबहादुर कायस्थ खः । थ्व सफू कायस्थ सेवा सदन बन्दिपुरया लुखां बि.सं.२०६९ इ पिदंगु खः । गण्डकी अञ्चल, तनहुँ जिल्ला बन्दिपुरया च्वमि भाजु कायस्थया थ्व बाखं सफुलिइ नीगुपु बाखं दुथ्यानाच्वंगु दु । थ्व सफुलिइ च्वंगु फुकं बाखं बन्दिपुरया हे नेवाः भासं च्वयातःगु दु । अले थुकिइ च्वंगु बाखंया परिवेश नं स्वनिगलं पिनेया मनूतय्गु जःखः चाःहिलाच्वंगु दु । गुकिं छगू बिस्कं पहःया मौलिकता नस्वानाच्वंगु दु ।
