नेपाल साहित्य मन्दिर म्हसीका सफू ने.सं ११३८ य् नेपाल साहित्य मन्दिरया लुखां पिदंगु सफू खः । मय्जु सुमा श्रेष्ठ च्वयादीगु थ्व सफुलिइ छगू पृष्ठय् नेपालभाषा सा छगू पृष्ठय् नेपाली भाषा छ्यलातःगु दु । नेपाली भाषाया अनुवादक अगिव बनेपाली खः । थ्व नेपाल साहित्य मन्दिर म्हसीका सफू नेपालभाषाया छगू पुलांगु संस्था नेपाल साहित्य मन्दिरया संक्षिप्त परिचय लिसें थ्वया साहित्यिक, सांस्कृतिक व भाषिक योगदानयात विस्तृत रुपं चर्चा यानातःगु छगू अनुसन्धानमूलक सफू खः ।
