राजेन्द्र दानवया च्वसां पिज्वःगु नेवाः राज्य नांया मुक्तक मुना सफू ने.सं. ११३५ य् पिदंगु खः । मुक्तक अप्वः यानाः नखःचखः पर्वयात कयाः न्ह्यब्वयातःगु खनेदु । सफूया पिकाकः स्वयम च्वमि हे खः । थुकी थीथी विषयया १२८ पु मुक्तक दुथ्याकातःगु दु । मुक्तक दुने झीगु नखःचखःया संस्कृति, विकृति बारे उलातःगु दु । समाजय् खनेदयाच्वंगु विकृतिं इतःमितः कनाच्वंगु दु । कूसंस्कारय् वनेमज्यू धयागु सन्देश नं खंकेफइ ।
