बद्री बेदनाया च्वसां पिज्वःगु नेवाः तांका नांया तांका चिनाखँ सफू ने.सं. ११२६ कौलागा षष्ठीइ कुतः पिकाकःपाखें पिदंगु खः । थुकी मुक्कं ३४ पु तांका दुथ्यानाच्वंगु दु । तांका चिनाखँ दुने मतिनाया सवाः दु । वियोगया छटपटि दु । ईया विधानयात सुनानं हिले फइमखु धयागु सन्देश दु । मतिनाय् अन्यौल जुयाच्वंपिं पात्रत दु । समाजया किपा दु । जीवनया व्यथा दु । मिंयात थः नाला दोष थःगु हे तायेकाः प्रायश्चित यानाच्वंगु स्याःचाःया बाखं दु । लिसें मेमेगु थीथी सवाःया तांका चिनाखँ दु । नेवाः साहित्य लागाय् सफूया रुपय् दकलय् न्हापांगु तांका सफू खः थुगु नेवाः तांका सफू ।
