नीलः सफू मय्जु अपर्णा प्रधानं च्वयादीगु बाखं संग्रह खः । ने.सं. ११३१ य् पिदंगु नीलः बाखं मुना सफूया पिकाकः नेपाल संस्कृति लय्पौ खः । थुकी सामाजिक जातीय विभेद, राजनैतिक, आर्थिक संस्कार, ज्ञान विज्ञान, मनोवैज्ञानिक, मानव प्रवृत्ति आदि विषयवस्तुया झिंच्यापु बाखं दुथ्याः । भमचा कयाः लिहां वयेगु क्रमय् मोटरदुर्घटनाय् लानाः भाःतनाप ह्वनेमलाकं न्हूम्ह भमचा विधवा जुइ । नीलः ति हे पवित्रम्ह मिसाया इहिपा मेम्ह मिजंनाप जुइ । नीलः बाखं थ्व सफुलिइ दुथ्याःगु मुख्यगु बाखं खः । थ्व सफुलिइ दुथ्याःगु प्रत्येक बाखनय् आशाया जः दु ।
