येँ, न्हाय्कं त्वाःया काय्मचा भाजु रत्नकाजी तुलाधर सन् १९४५ स बूम्ह खः । वय्कः अमृत साइन्स कलेजय् विज्ञान बिषय ब्वनाः लिपा भारतया पिलानि प्राविधिक संस्थानपाखें सन् १९६९ स इलेक्ट्रोनिक्स बिषयया इन्जिनियरिङ्ग क्वचायेका वल । नेपाल दूर सञ्चार संस्थानया वरिष्ठ अधिकृत जुयाः नेपालय् टेलिफोन सेवाया प्रसार, विकास व आधुनिकिकरण यायेगुली मूवंगु भूमिका म्हितादिल । लिपा टेलिफोन सञ्चारया सम्बन्धय् डेनमार्क वनाः उच्च शिक्षा कयाः झाल ।
