सारी बाखं सफूया च्वमि यज्ञरत्न धाख्वाः खः । थ्व सफू च्वसापासां थःगु २५दँ बुदिंया लसताय् ने.सं. १०९५ य् पिकाःगु खः । रमिता, सारी, रिक्सा साः, ग्याफरा, बुद्धया मूर्ति, छ्यले मखंगु चेष्टर, खसिया मू, जाकि पसल्याया म्ह्याय्, तिमिलाया जलय् व सीम्ह खा यानाः थुगु बाखं सफुलिइ झिपु सामाजिक बाखं दुथ्याना च्वंगु दु । सामाजिक जीवनय् खनाच्वनीगु थीथी खँयात यइपुक व सलल वंक बाखंया रूपय् न्ह्यब्वयातःगु हे थ्व सफूया विशेषता खः ।
