बद्री वेदनाया च्वसां पिज्वःगु थुगु सनिलया इलय् हाइकु सफू ने.सं ११२५ तछलाथ्व १५ कुन्हु कुतः पिकाकः पाखें पिदंगु खः । थुकी मुक्कं खुइखुपु हाइकु दुथ्याकातःगु दु । थुकी दुने प्रकृतिया, थीथी ऋतु व सांस्कृतिक विम्व छ्यलाः देय्या अशान्त अवस्था, मनूतय्गु असन्तुलन स्थिति न्ह्यब्वयातःगु दु । अथेहे स्वांया थीथी किगो छ्यलाः जीवन, मतिना, वियोग, पीडाया अनुभूति प्वंकातःगु दु । लिसें जिन्दगी बुँख्याचा थें म्वानाच्वनेमाःगु स्थिति न्ह्यब्वयातःगु दु ।
