येँ, मखं, तानाबहाःया भाजु विष्णुप्रसाद व मय्जु बुद्धिदेवीया काय्भाजु शिवशंकर सन् १९४४ स बूगु खः । अष्ट्रेलिया, कावलफिल्ड प्राविधिक प्रतिष्ठानपाखें इन्जिनियरिङ्ग यानावःम्ह थ्वय्कः तःदँतक सरकारी सेवाय् च्वनाः नेपालय् जलविद्युतया ख्यलय् आपालं भूमिका म्हितादिल । त्रिशुली जलविद्युत, पनौति जलविद्युत, खोपासि जलविद्युत, सुनकोशी जलविद्युत थुज्वःगु नेपाःया प्रारम्भिक ईया जलविद्युत विकासय् वय्कःया तिबः दुगु जुल ।
