शिव लुमन्ति भाजु रेवतिरमणानन्द श्रेष्ठ वैद्यं सम्पादन यानादीगु ने.सं. १११४ सिलाचःह्रेया पर्व कुन्हु सफू धुकू, नातिवज्र वज्राचार्य पाखें पिदंगु छगू धार्मिक दर्शन विषयया ग्रन्थ खः । थ्व सफुलिइ सत्यम शिवम् सुन्दरम् नांगु शिव भगवानया भजन छपु व शिवयागु महिमायात वैज्ञानिक रुपं दुग्यंक दुवालाः च्वयातःगु दार्शनिक बिचारं जाःगु थीथी विद्वानपिनिगु झिपु व सम्पादकया खँ छपु यानाः मुक्कं झिंछपु च्वसु दुथ्यानाच्वंगु दु ।
