ज्ञान बहादुर महर्जन नेवाःया च्वसां पिज्वःगु सुपाँय्या जुलुुस हाइकु सफू ने.सं. ११३७ य् हलिं नेवाः गुथि– गछेँ कचापाखें पिदंगु खः । सफू दुने मुक्कं २२० पु थीथी विषयया हाइकु दुथ्यानाच्वंगु दु । जनतायात दमन–शोषण यानातःगु सः हाइकुइ थ्वयाच्वंगु दु । सविधानं सकसितं न्याय मयाःगु बारे सः थ्वयेकातःगु दु । नखःचखः संस्कृति बारे अले न्हूदँबलय् शंखधरयात लुमंकाः न्ह्यब्वयातःगु हाइकु नं दु । भुखाय्या हुनिं फयेमाःगु दुःख, विचलित अवस्थाय् नेतातय्सं राहतय् बेइमान याःगु खँ, देय्या वर्तमान अवस्था, आशा–निराशाया खँ न्ह्यथनातःगु नं तःपु हाइकु दु । मतिनालिसे स्वानाच्वंगु छुं छुं हाइकुया नापं देय् थपु यायेगु नितिं जनतां आशाया मत च्याकाः न्ह्याःवनाच्वंगु प्रगतिशील भावत प्वंकातःगु नं तःपु हाइकु दुथ्यानाच्वंगु दु ।
