स्वयाच्वंगु मिखा बाखं सफू जनकलाल वैद्यं च्वयादीगु बाखं मुना खः । थ्व सफू श्रेष्ठ प्रकाशनं ने.सं. ११०३ य् पिथंगु खः । आपाः यानाः समालोचना विधाय् च्वयादीम्ह जनकलाल वैद्यया थुगु बाखं विधाया सफुलिइ झिंप्यपु बाखं दुथ्याःगु दु । लोकबाखंया लिधंसाय् च्वयातःगु पाहांचःह्रेया पाहां, नेपाःया इतिहासया लिधंसाय् च्वयातःगु तलेजु माजु कान्तिपुरय् बिज्यासेंलि, जय नेपाल व महाभारतया लिधंसाय् च्वयातःगु द्रोणाचार्यया पक्षपात शीर्षकया बाखं न्हूगु शिक्षा योजनाकथं ८, ९, १० कक्षाया पाठ्यसफूया निंतिं च्वयातःगु खः । थ्व बाहेक ल्वोल, छु धाये–छु मधाये, फू फू मत, किजापुजाया चिकं मन्दः, स्वयाच्वंगु मिखा, ल्यास्य अजि, थःत दयेकेगु लँय्, जि हे मन्त्री भाजुया मोटर, व बागः भाजु थुकी दुथ्याःगु बाखं खः । थुकी मचा, मिमलः, झी, सितु, ज्वलान्हाय्कं पतिइ पिदनेधुंकूगु बाखं दुथ्याकातःगु दु ।
