स्व. बज्रराज शाक्य छम्ह काष्ठ मूर्तिकलाया ख्यलय् ज्वःमदुम्ह कलाकार खः । वय्कः ने.सं. १०४४ दिल्लागाः दसमिकुन्हु यलया तःद्वाः, न्याखाचुकय् जन्म जूगु खः । वय्कःया अबुजु स्व. हर्षराज शाक्य खःसा वय्कलं यल श्रीबहाःया शाक्यमुनि शाक्यया हःपालं काष्ठ मूर्तिकलाया ख्यलय्् ने.सं. १०५७ स ज्या न्ह्याकादीगु खः । वय्कःया कलाया बिषेशता धयागु सिँया थी थी मूर्तित दयेकेगु नापं सिँइ बुत्तात कियेगु खः । कला ब्वज्या— १) राष्ट्रिय कला प्रदर्शनी २) एक्सपो ७० जापान ३) एशिया ७२ नयाँ दिल्ली ४) मास्को प्रदर्शनी । सिरपाः– १) द्वितिय राष्ट्रिय कला प्रदर्शनी २) तृतीय राष्ट्रिय कला प्रदर्शनी ।
