स्वनिगः पिनें पिदंपिं नेपालभाषाया भाषिक अभियन्तापिं मध्ये भाजु विकाशकुमार शाक्य नं छम्ह खः । वय्कःया जन्म बि.सं. २०१८ फागुण ३ गते जूगु खः । वय्कःया मांया नां सरस्वती बज्राचार्य व बाःया नां बाबुराम शाक्य खः । वय्कलं नेपालभाषा मंकाः खलः बागलुङय् ल्यू छ्यान्जे जुयाः ज्या यानादीधुंकूगु दु । लिसें वय्कः ज्ञानोदय बुद्ध बिहार व शाक्य कल्याण समाजय् नं नायः जुयाः ज्या यानादीधुंकूगु जुल । वय्कः भारोत्तोलनया वरिष्ठ प्रशिक्षक नं जुयादी । वय्कः थीथी संघसंस्था पाखें सम्मानित नं जुयादीगु दु ।
