वय्कः धातु मूर्तिकलाय् थ्वज्या व कतां ज्याय् ज्वः मदुम्ह कलाकार खः । वय्कः ने.सं. १०५८ स येँया इतुम्बहाः, ताहाननी जन्म जूगु खः । वय्कःया अबुजु स्व. रत्नबहादुर शाक्य खःसा वय्कःलं थः पाजु यल थैना निवासी स्व. बेखाराज शाक्यया प्रेरणाकथं ने.सं. १०८४ दँय् धातु मूर्ति कलाकारिताया ख्यलय् पलाः न्ह्याकादीगु खः । वय्कःया कलाया बिषेशताकथं लुँ, वहः, सिजः व लीया पातायात थ्वज्या यानाः चिचीधीपिं फुसुलुगु थी थी धातुया मूर्ति दयेकेगु यानादी ।
