यल, पिम्बहाःया भाजु रत्नलाल व मय्जु हरिदेवीया काय्मचा केदारलाल सन् १९३८ स बूगु खः । थ्वयकलं सन् १९६०स भारतया इलाहावाद विश्वविद्यालयपाखें भौतिकशास्त्रय् स्नातकोत्तर क्वचायेका दीगु खः । लिपा सन् १९६७ स क्वीनसलाय्ण्ड, अष्ट्रेलियापाखें वायुमण्डलीय भौतिकशास्त्र विधाय् विद्यावारिधि उपाधि कयादीगु खः । थ्वय्कः नेपालय् भौतिकशास्त्रया ख्यलय् अध्ययन, अनुसन्धानया ज्याय् तःदँ तक विशेषज्ञकथं ग्वहालि याना वयाच्वंम्ह खः ।
