कवि नवीन् प्रकाश श्रेष्ठ बौ गंगालाल श्रेष्ठ व मां लक्ष्मीकेशरी श्रेष्ठया कोखं थिमिइ जन्म जुयादीगु खः । वय्कः नेपालभाषाया आधुनिक गद्य कविताया ख्यलय् उदयीमान कवि खः । वय्कः नेपालभाषा व खस नेपाली भाषाय् कविताया नापं थीथी च्वखँ च्वय्गुलिइ सक्रिय जुयादीगु दु । वय्कःया पिदंगु कविता सफूया नां ह्याउँगु स्वां हाकुगु हि (ने.सं.११४०) खः । वय्कलं थीथी वाः पतिइ स्तम्भकारया रुपय् ध्याचू च्वसु नं च्वयादी । वय्कः भसास आर बि जोशी प्रतिभा सिरपालं सम्मानित जुयादीगु दु ।
