मूर्ति, चित्रकार पुष्परत्न शाक्यया जन्म ने.सं. १०६३ गुंलाथ्वः सप्तमि, आइतबारखुन्हु येँया झ्वःछेँ बनिया चुकय् अबु ज्ञानरत्न शाक्य व मां ऋद्धिमाया शाक्यया कोखं जूगु खः । चित्र व मूर्तिकलाय् स्नातक यानादीम्ह वय्कलं चित्रकला, सामाजिक सेवा यानादीगु दु । वय्कलं पौभाः नं च्वयादीगु दु । वय्कलं भृकुटी मण्डपय् जातीय प्रदर्शनी यानादीगु दु । वय्कलं वि.सं. २०२५ सालय् परम्परागत कला प्रदर्शनीइ हःपाः सिरपाः व ने.सं. १०८८ या नेपालभाषा अन्तर क्याम्पस साहित्य गोष्ठिइ ल्यू सिरपाः त्याकादीगु दु ।
