तुल्सीराज शाक्य कँय्या ताः, भुस्याः व तिङछु थें ज्वःगु परम्परागत बाजा दयेके ज्याय् छम्ह ज्वः मदुम्ह कलाकार खः । वय्कः ने.सं. १०५२ तछलाथ्वः दुतिया, सोमबारकुन्हु यल, कुतिबहालय् जन्म जूगु खः । वय्कःया अबुजु स्व. जोगराज शाक्यया हःपालं ने.सं.११०० दँय् कलाकारिता ख्यलय् ज्या न्ह्याकादीगु खः । वय्कःया कलाया बिषेशता धयागु कँय्या ताः, भुस्याः व तिङछु थें ज्वःगु परम्परागत बाजायात सादा वा बुत्ता तयाः दयेकेगु खः । न्ह्यथने बहःगु कृति— निर्माण जूगु बाजं थीथी भजन मण्डली व थी थी संगीत ख्यलय् छ्यला वयाच्वंगु दु ।
