ईश्वरानन्द वैद्य व हीरादेवीया काय्मचा विजयकुमार भारतया आन्ध्र विश्वविद्यालयपाखें जलवायु विज्ञान विषयस स्नातकोत्तर यानावःम्ह खः । लिपा संयुक्तराज्य अमेरिकाया मिसोरी विश्वविद्यालयपाखें विद्यावारिधि यायेत वय्कः ताःलाःगु खः । थ्वय्कः मूलतः कृषिनाप सम्बन्धि जलवायु विज्ञान विधाया विशेषज्ञ खः । वय्कलं नेपाल सरकारया जलवायु विज्ञान विभागय् च्वनाः तःदँतक सेवा यानादीगु दु ।
